渡海濠情：意亂情迷 大膽去愛
不少女性朋友都好容易意亂情迷，只要一遇上佢哋杯茶，就會即時撻着，就好似嚟自利澳水療嘅嘉怡，佢話自己經常係咁，今日就請嚟玄學家揭示邊三個生肖嘅囡囡，戀愛時最唔理性！
第一位：虎女 只要靚仔
師傅話十二生肖中愛得最唔理性嘅就係屬虎嘅囡囡，只要男仔外表光鮮，形象俊朗，佢哋就會動心。嘉怡話：「我有個姐姐就係屬虎嘅，佢真係一啲都唔理性，雖然識親嘅男仔都係靚仔，但當中不乏畀我都唔會要嘅人，好似有啲仲窮過我，我一定唔會揀，有啲有老婆嘅，我更唔會揀得落手，仲有啲係無業流氓，呢啲就算佢幾靚仔我都唔會要，但我呢位姐姐就當佢哋係寶，你愈勸佢，佢就愈唔聽，真係畀佢激死，最後人財兩失，我都唔知佢為乜？」
第二位：兔女 只求浪漫
屬兔嘅囡囡亦非常唔理性，佢哋生活喺幻想世界當中，所以男朋友只要做一兩次浪漫行為，佢哋就會輕易被打動。嘉怡話：「我有個表姐就係咁樣，有次去旅行認識咗個大佢廿幾年嘅阿叔，對方冇錢又唔靚仔，只用花言巧語同埋時不時畀啲浪漫驚喜佢，就咁被人呃咗住埋四、五年咁耐，唔係個阿叔再滿足唔到表姐嘅性需要，表姐都唔捨得同佢分手呀！所以屬兔嘅囡囡真係好易上釣，而且完全唔使有錢同靚仔，只要把口了得，搞啲浪漫嘢就搵到食！」
第三位：牛女 只憑感覺
屬牛嘅囡囡出名固執，一旦愛上對方，天打雷劈都改變唔到佢哋，而要佢哋上釣嘅方法亦好簡單，只要畀佢發現你嘅優點，就算只要有一兩個，佢哋就會滿足，之後其他條件都可以全不理會。嘉怡話：「我以前個女老闆就係咁嘅人，佢已經離過婚，上一次已經係衰呢瓣，覺得前夫為人孝順兼重義氣就付託終身，點知佢對人人都好，就係對老婆唔好，所以揀男人真係要理性啲，否則辛苦嘅只會係你自己！」
每周大吉生肖
異性運：羊、虎、雞
桃花運：狗、馬、兔
和合運：蛇、龍
嘉怡 Profile
年齡：22歲
三圍：34-23-34
撰文：小德
攝影：阿生
玄學提供:寶源師傅