渡海濠情：山羊妹妹絕情拒愛
愛情路上難免行差踏錯，但大家要認真小心，有啲另一半會輕易原諒，但有啲就未必，而十二星座中最要留意嘅就係山羊座朋友，佢哋一反面就會非常絕情，嚟自龍會嘅娜娜就十分認同，奉勸大家要認真小心！
爽快分開
娜娜話：「我就係山羊座嘅囡囡，所以我最了解呢個星座嘅性格，我一拍拖嘅話，就會一心一意咁去愛男朋友，啲朋友見到都會話我對男朋友好得太過火，我一於好少理，因為一係唔愛，一愛就要全情投入咁去愛，完全付出咁為男朋友，我覺得係好應該嘅！但佢哋千祈咪令我死心，當一死心嘅話，你就算跪地認錯，要生要死，都唔會改變到我嘅決定，所以每次分手，啲男朋友都會話我夠晒絕情，其實我都唔想，但係既然我都死咗心，咁仲有乜嘢好講，不如爽快分開，讓大家重新上路，再搵過第二個伴好過啦！」
繼續來往
咁男朋友做啲乜嘢至會令你死心呢？娜娜話：「由於我對愛情太過投入，所以我都希望對方可以盡量投入，我哋之間絕對容不下第三者，所以男朋友如果喺出邊有第三者，甚至只係同對方曖曖昧昧，我都一定接受唔到。唔知道還好，但一畀我知道就會發出最後警告，如果男朋友誓神劈願話唔會再犯，我都會畀次機會佢哋，但已經落入被監視之列，如果佢哋自此循規蹈矩，我都會原諒佢，但如果死性不改瞞住我繼續來往，咁真係唔好意思，我一定會提出分手，話我絕情都會咁做，因為呢啲嘢絕對不能原諒！」
山羊座12/22-1/20
山羊座特質：非常絕情
山羊座嘅朋友對人很友善，只要認定你係好朋友，佢哋會仆心仆命咁為你効力，但如果一旦認為你已經唔係朋友，佢哋會非常絕情，對方做任何嘢，都唔會改變佢哋嘅決定，山羊座女士就更加嚴重，所以千萬咪得罪佢哋！
山羊座下周性愛運程
狩獵運：3
甜蜜運：3.5
戰鬥運：3
（以5為滿分）
娜娜Profile
年齡：22歲
三圍：34-23-34
撰文：小德
攝影：阿生