年紀愈大，煩惱嘅事情愈多，加上工作壓力，難免令人感到頭痛。面對頭痛，大家可能會選擇服用止痛藥，不過性學書籍《Love Sex Again》嘅作者Dr. Lauren Streicher就話做愛絕對係有效紓緩頭痛嘅好方法喎！Lauren話不僅頭痛，腳痛、肚痛、肌肉痛等痛症同內分泌物質安多酚（Endorphin）有莫大關係，當做愛嘅時候，體內嘅安多酚分泌會快速上升，有效紓緩痛楚感覺。Lauren仲引述早前伊利諾大學做過嘅研究，指出做愛可以令頭痛痛楚減輕50%，另一方面做愛令人分心唔再想起頭痛呢回事亦有幫助。故此，Lauren就表示喺大家服用止痛藥對抗頭痛之前，不妨考慮一下做愛。小弟就覺得Lauren講得都有道理，之不過頭痛藥可以隨身攜帶，但係床上對手邊度可以隨街搵呀！