好多男人都以為女仔鍾意錢，日做夜做搵錢氹女友，事實上不少女仔唔係我哋睇得咁膚淺，好似河合風花咁，就最鍾意埋頭苦幹、默默耕耘嘅真男人嘞！
唔知各位男士見到女仔時，第一眼會望落對方面上邊一處呢？睇佢對眼勾唔勾魂？睇佢係咪鼻大旺夫？定係睇佢係咪下巴兜兜晚境無憂呢？以上統統都唔係我會睇嘅部位，因為小弟第一眼會留意佢個嘴仔，睇吓夠唔夠厚肉，因為相士話上唇薄係薄情，上唇厚則熱情，而下唇厚就床上熱情，好似河合風花咁兩片朱唇都厚度十足，相信佢一定係好女友兼好床伴，絕對溝得過！今年25歲嘅風花對比其他水着妹，個樣唔算好靚，之不過阿妹勝在識打扮，用頭髮遮住兩邊臉嚟掩蓋自己顴骨太凸太挺嘅缺點，加上成日都笑吟吟帶出幾分嬌俏美，而厚厚嘅嘴唇就令人印象深刻，加埋33D-24-35嘅豐滿身材，總算夠養眼又令人睇得順眼。
2006年河合風花開始其演藝生涯，除咗拍寫真之外，仲係女子劇團「S Garden」嘅成員，主要嘅工作都係圍繞住舞台劇演出，作品包括《Water Girls》、《冬樁》等。後來風花嘅名字愈來愈多人識，令佢搵到唔少機會登上電視螢光幕，為電視劇演出。另一方面，風花就同中村葵、高橋亞弓、菜乃花組成「FaDeLess」，又令佢多咗一條登台又跳又唱嘅出路，到今年3月風花就過檔新女子組合「READY TO KISS」，繼續樂壇、水着界兩邊走。風花工作多多又勤力，而佢亦表示過結婚嘅對象唔一定要英俊有錢，但係就一定要努力工作，勤奮向上，而且仲要係享受埋頭苦幹嘅男人。阿妹所講嘅條件同我都好配合喎，唔知大家有冇機會深入交流一下呢？
加入女子組合「READY TO KISS」之後，河合風花工作日趨忙碌，成日都要登台同出席宣傳活動，而每次出動阿妹都會將花絮透過博客發表。
網址：http://ameblo.jp/kawaihuka/
年齡：25歲
身高：5呎3吋
三圍：33D-24-35
撰文：賢