咪以為豪華嘅艷舞夜場要喺美國拉斯維加斯至有，其實喺加拿大多倫多同樣有咁嘅選擇，佢就係For Your Eyes Only。呢間喺1992年開業嘅艷舞夜場，咪睇佢開業已超過22年，佢嘅裝修不但時代感十足，而出色嘅燈光及音響更畀到玩家極大嘅視覺及聽覺享受。佔地兩層並超過兩萬平方呎，一樓為大廳及大型舞台，而二樓則係VIP房，每個房間均可以欣賞到舞台嘅演出之餘，玩家仲可以點選艷舞女郎入房進行私人表演。當然，作為一個人氣夜場，佢唔單止硬件出色，一眾嚟自全球各地嘅艷舞女郎更係超高質，加上熱情同豪放嘅待客態度，令玩家有賓至如歸嘅享受。不過正如店名一樣，玩家縱然睇到流晒口水，只係僅限於眼看，而雙手千祈咪亂動呀！