家陣內地啲新一代嫩模，除咗擁有童顏巨乳嘅基本要求外，仲要十八般武藝樣樣皆精，要佢拍戲就拍戲，要佢上節目就上節目，而嚟自廣西嘅新人王李婧菲，佢仲有一項專長，就係小小年紀已經識做生意，做埋老闆！
李婧菲出道兩年左右，參加過一啲選美嘅比賽，成績一般，令佢成名嘅，就係早幾個月以VikiChing嘅名字，拍咗一輯超性感寫真，作品出街後，令人驚覺婧菲表現大膽，一啲都唔錫身外，就連只有32.5吋嘅小饅頭，亦可製造出波濤胸湧嘅驚人效果，網友們當然直豎拇指，讚不絕口，就連唔少寫真攝影師都話佢前途無可限量，好想同佢合作。而婧菲除咗外形好之外，口才亦十分了得，好似舊年參加過一個綜藝節目，憑其伶牙俐齒，擊敗眾多對手脫穎而出，所以婧菲嘅口才，絕對不容忽視，睇嚟如果要搵佢做主持或司儀，都一定難佢唔倒！
至於拍攝影視作品，婧菲已經叫人加緊放聲氣，佢話演戲雖然未試過，但絕對難佢唔倒喎！婧菲小小年紀就信心爆棚，又難怪！事關佢已經喺網上開店，自己當老闆，佢做嘅係售賣美容同護膚用品，婧菲更經常親自示範，有佢做生招牌，自然深得女網友嘅歡迎，亦因此佢嘅粉絲人數，唔只吸引大批男性，連女性亦有不少人支持，所以廣告商同展覽商都開始接觸婧菲，相信可見將來，佢嘅影子會出現喺全國雜誌或者各大小展覽會上。但大家最渴望都仲係佢嘅性感寫真，希望佢可以繼續拍落去，咪因為生財有道，豬籠入水，就忘記咗老本行！
簡介：李婧菲的微博內，有齊佢嘅工作照片，而且仲有佢推介產品嘅示範照，加上緊身裝示人，十分之有睇頭，當然，仲唔少得重頭戲嘅性感寫真啦！
網址：http://weibo.com/u/2790759927
居住地：廣西南寧
三 圍：32.5-25-34
身 高：166cm
撰文：龍四海