江蘇有個男人睇AV片時發現女主角好似自己老婆，於是不停指摘佢不守婦道，期間仲動手動腳，佢老婆頂唔順要求對簿公堂，最後法院話冇證據證明佢老婆紅杏出牆，將指控撤銷，嚟自9號會所嘅安琪就話：「真係人有相似！」
安琪話：「我有個姊妹曾經發生過一單嘢，同呢單新聞好相似，話說佢男友生得幾靚仔吓，留有一頭長髮，點知有日我哋手機無意收到一段短片，話係少女手機流出嚟嘅絕密激戰四級版，於是咪開嚟睇吓，一睇火都嚟埋，原來個男主角好似我姊妹個男友，身材差唔多，最主要係留有一頭長髮，於是我姊妹大興問罪之師，捉男朋友嚟嚴刑逼供，佢男朋友死口唔認，最後佢自己睇過段片，發覺真係好似，佢都唔知點算，好彩有個朋友救番佢！」
乜嘢朋友咁巴閉？安琪話：「呢個朋友係超級AV迷，佢唔只女優嘅名字如數家珍，就連男優嘅名佢都知道，我姊妹個男朋友覺得短片嘅拍攝手法太過專業，懷疑係AV片段，於是就攞去請教呢位朋友，呢個朋友一睇就知呢段片係AV作品，男女主角叫乜嘢名，片名係乜嘢，就連邊間公司嘅拍攝年份都倒背如流，佢仲剪咗好多呢個男優嘅其他作品片段出嚟，交畀我姊妹過目，由於證據確鑿，至相信只係一場誤會，如果冇呢位AV專家，後果真係不堪設想！」
年齡：21歲
三圍：34-24-34
撰文：小德