美國紐約嘅地鐵出晒名熱辣辣，講嘅唔係囡囡衣着火辣，而係地鐵站嘅室溫熱到阿媽都唔認得，上年夏天曾經錄得攝氐50度高溫，比地面仲要悶熱，但佢哋嘅空調系統一直冇改善。最近法國有個搞笑團體，就喺紐約嘅地鐵月台惡搞為桑拿中心，10多位演員圍住毛巾坐喺月台度扮焗桑拿，佢哋仲邊歎凍飲邊抹汗，好似真嘅一樣，旁邊仲放咗張按摩床，替人即場按摩。經過嘅乘客見到除咗睇得開心，仲深表認同，因為都感同身受，甚至坐埋去同演員一齊玩。據講當日月台氣溫高達攝氐39度，所有冰凍飲品好快就飲晒。唔少乘客話希望有關方面快啲作出改善，唔想再受苦喎！