喺香港配音藝員都唔係咁吃香，但係喺日本，配音藝員亦即係聲優，就可以相當出名兼且備受追捧，好似平野綾同水樹奈奈都係極為知名嘅聲優，而且仲相當靚女添。而竹達彩奈亦係人又靚聲又甜嘅美人聲優，最近佢仲出咗第三本寫真集，以美色取代迷人聲線去誘惑觀眾。
今年25歲嘅彩奈身材嬌小，樣子活潑可愛又甜美，除咗係聲優之外，仲憑其美人胚子而成為電視界同電影界嘅寵兒，寫真界亦有涉足。今次佢推出嘅寫真集《彩奈 in Italy》就遠赴意大利取景，當中會捕捉彩奈吃喝玩樂時所表現出嘅童真，亦有淺露性感嘅一面，雖然程度未必及一般水着妹，但係彩奈嘅青春氣息一樣迷人。
售價：約HK$245
撰文：小德