裸模全裸你會High，但阿妹着番衫你睇得仲High，邊個可以咁把炮？記住Reby Sky，呢位美國妹既係裸模亦係職業摔角手，睇佢台上撻到甩肺，台下剝得性感，一副波哋軟硬兼備，邊個夠你嚟呀？
Reby Sky既係一名入屋又唔准入屋嘅女性，事關平常佢係一名職業摔角手，喺台上打得好激，一家大細都會喺電視機前為佢吶喊助威，而喺深夜時分，收費電視頻道，亦有不少巴打攞定紙巾靜靜期待佢騷勞演出，爽完先肯瞓！兩樣都係阿妹正職，邊樣多邊樣少唔重要，重要係Reby話兩者都係人生不可或缺。正如喺佢網誌所言，台上打摔角佢搵到人生動力，台下全裸佢感受到女人柔情以及男人熱情，又所以兩者都不能放棄，能夠駕馭佢嘅現今只得男職業摔角手兼Reby教練Matt Hardy，容許佢女權主義又唔怕蝕底剝清畀人睇，怪唔得阿妹嘭一聲就嫁咗畀佢啦！
雖則Reby講到摔角裸模都不能少，但原來28年嘅人生，佢從未諗過會有今日咁嘅成就。據Reby喺訪問中自爆，自細習肚皮舞，成年後加入舞團喺全國表演搵食，更曾經於百老滙音樂劇表演，一直以為咁至叫人生！
直至07年一個大轉變，Reby妹發覺跳舞搵唔到快樂，甚至對舞蹈熱誠都逐漸喪失，嘗試走入演藝圈做演員，無奈靜坐半年都遇唔啱合適角色，之後佢又加入音樂界唱歌打鼓，甚至客串MV演出都係望唔見自己將來！結果一次機緣巧合下認識一位雜誌老總，對方介紹Reby去Playboy拍寫真，悶咗幾年嘅佢終於覺得有啲刺激感，毫不考慮就去拍裸照。
Reby一脫成名，連續三年成為該雜誌及網站裸模，於2010年更獲Cyber Girl of the Month，去到大前年更愈玩愈激，憑住模界人氣，直踩入摔角界做埋摔角手。咪睇阿妹薄身大波好錫身，查實砌起上嚟有板有眼，動作表情都交足戲，平日阿妹愛以低胸皮革戰衣上陣，確係唔打得都睇得，至於有乜絕技，喺佢官網所見係奪命鉸剪腳、爆頭倒竪葱、人肉風火輪等，招招都咁狠毒呀！Reby Sky醉心專業摔角手，喺裸模界又咁多人撐，真係發過豬頭囉！
簡介：Reby專屬網站，當然有大量靚靚寫真及摔角現場相睇啦，呢度更係阿妹搵銀地方，售賣各式個人手帶及簽名海報，可惜佢最鍾意晒同摔角手老公Sweet靚相，有啲殺風景！
網址：http://rebysky.com/
出生日期：1986年8月6日
三圍：34C-24-36
身高：5呎5吋
撰文：祖