女仔胸大固然容易吸引男人注意，若然胸細都唔使自卑，更加唔需要意圖或企圖做後期加工手術，因為自然就是美，細胸亦有其魅力所在，好似秋山柚子呢位微乳女優，亦一樣可以發圍啦！
曾幾何時，小弟有個女朋友對我真係好到不得了，佢知道我鍾意巨乳，而自己只係平胸一族，某日主動問我贊唔贊成佢去隆胸，我就語重深長咁話：「我唔係一個膚淺嘅男人，唔會因為你冇胸而唔要你嘅！放心啦！」雖然最後我哋都係分手，後來更戀上一個34D女仔，但係緣分嘅嘢真係好難解釋囉。如果大家同我一樣唔膚淺，只係鍾意大胸妹，今日為大家介紹嘅秋山柚子相信一定啱睇。柚子妹妹今年21歲，青春嫩口，笑起嚟活潑可愛，收起笑容又楚楚可憐，仲帶幾分鄰家少女感覺。而呢位少女身材瘦削，上圍只得31吋A-Cup，胸部貧瘠過孟加拉嘅土地。之不過，柚子骨架幼細，瘦得嚟唔會感覺骨巉巉，加上皮白肉嫩，總算有睇頭。
秋山柚子仲讀緊高中嘅時候，就開始做模特兒，幫時尚雜誌拍攝時裝照，當時就用橋本柚希做藝名，到2012年至改用現時藝名，正式投身寫真事務。大家見到柚子身材嬌小，可愛純情，可能以為佢拍寫真都以清新同健康為主，咁諗法真係錯晒，事關柚子雖然冇乜身材，但一樣鍾意以色誘人，方法仲相當多。柚子曾經話過為咗加強視覺效果，拍寫真嘅時候會用成四個「缽仔糕」嚟谷胸，仲會着上超細碼泳裝，更會利用學芭蕾舞練返嚟嘅柔軟體質，做出多種幾乎走光嘅動作，極具誘惑，吸引到唔少寫真迷捧場。柚子嘅一身柔軟功夫仲幫助到佢喺舞台發展添，阿妹參演嘅歌舞劇《GO.Jet! GO! GO! ZERO》等都需要佢又唱又跳，體態輕盈又識跳舞嘅佢就真係如虎添翼，難怪佢喺舞台劇方面咁吃香啦。
秋山柚子雖然工作繁忙，但係一得閒就會從工作途中抽空同其他女優影相自娛，更將幕後輕鬆嘅一面放上博客同大家分享。
網址：http://ameblo.jp/akiyama-yuzuki/
年齡：21歲
身高：5呎1吋
三圍：31-22-33
撰文：賢