渡海濠情：工作意義 多勞多得
英國有調查發現，有一半受訪者覺得自己入錯行，更有49%話正考慮轉工，有五分之一覺得工作毫無意義，有四分之一更話自己係公司內最可憐嘅員工，嚟自十八桑拿嘅洋洋就話：「我覺得做技師不知幾有意義呀！」
即時反應
洋洋話：「我畢業後都做過幾份工，但唔係辛苦得滯，就係人工太低，跟付出唔成正比，後嚟做咗技師就知道，我哋呢行係靠真本領，多勞多得，而且你表現出色，客人仲會有即時反應……你咪心邪啦！我指嘅反應，係例如我按摩按得佢哋舒服，佢哋會即時話爽呀！正呀嘅反應！揼完骨後佢哋成身鬆晒，就會話我啲功夫真係掂，甚至冇得頂，我哋做技師嘅聽到客人咁講，都會十分開心，幫到客人消除疲勞，不知幾有成功感，工作充滿意義！」
搵多一啲
畀客人讚兩句就夠嗎？洋洋話：「當然，如果客人再喺小費單內簽多少小費，我哋就更高興啦！所以我嘅付出同收入，喺呢度完全係成正比嘅，你只要愈努力，愈多付出，客人回頭搵你就愈多，你嘅收入就自然愈多，所以我覺得做技師真係冇入錯行，而且仲好有意義添！至於有冇打算轉工，我估暫時都唔會轉，至於轉場就唔敢講，因為邊個唔想搵多啲，但我嘅粉絲大可放心，因為轉場一定會通知大家！」
洋洋Profile
年齡：20歲
三圍：35-24-35
撰文：小德
攝影：阿德