正所謂同行如敵國，日本AV界嘅各個AV集團成日都鬥個你死我活，喺AV女優之間亦不時出現爭鬥。最近，有4位女優嚟個獵男比賽，實行將競爭升級兼帶到入AV作品當中，結果到底鹿死誰手呢？
日本AV界近年好鍾意拍攝大堆頭企劃作品，而呢類企劃作多數都會出動大量女優同男優進行荒淫無道嘅激烈大混戰，實行用肉體橫陳嘅畫面，為AV迷嘅官能帶來極端刺激。喺激戰當中，女優們有時會各據山頭，各自佔地而戰，有時亦會有女優群策群力，圍攻一個男優嘅場面，畀大家欣賞班女優如何各師其職，展現高度默契。
之不過，AV廠WANZ最近就對女優之間嘅友情進行大考驗，舉行「東京獵男冠軍大賽」，邀請琥珀詩、瀧澤華音、本田莉子以及春原未來等4名女優，齊齊去到東京鬥快溝仔，喺24小時之內成功溝仔上床次數最多，就可以贏得「溝仔王」嘅榮譽，更可獲得100萬日圓獎金添！
為咗拍攝4名女優嘅溝仔過程，WANZ特別派出4名攝影師全程緊貼拍攝，將整個過程由溝仔到交涉到成功溝上床嘅片段一一收錄喺AV作品《東京獵男冠軍》當中。
比賽一開始，4位女優就分頭行事，而佢哋溝仔嘅第一步就係用手機進行釣魚式狩獵，利用手機聊天程式睇吓東京一帶有冇寂寞又得閒嘅男仔，搵到之後就約對方出嚟見面，好似春原未來就喺搭電車途中識到一個電車男，仲好順利咁將對方溝到手。而瀧澤華音亦不甘示弱，相約素人男喺車站見面。另外，琥珀詩同本田莉子亦成功溝到仔，佢哋費一番唇舌後，對方答應上床開戰。至於最後邊個女優奪得冠軍呢？暫時未有分曉，因為呢次只係第一回合比賽，要知道邊個女優贏得溝仔王封號就要等一等喇！
撰文：賢