男人係咪每每要失去咗先至會珍惜？美國著名情慾小說作家Gina L. Maxwell就以呢個問題，作為小說《Seducing Cinderella》的主題，透過女性嘅角度探討男人喺事業同情愛之間如何選擇。故事講述混合格鬥家Reid Andrews喺教練帶領下，經過多年艱辛嘅訓練終於可以挑戰重量級盟主寶座，卻意外地喺擂台上受重傷。傷後佢一直未能進入狀態，於是教練就帶咗Reid返屋企，卻估唔到Reid竟愛上咗教練個妹Lucie Miller。經過同Lucie一番床上肉搏及引導後，Reid終於重拾信心繼續訓練，更成功得到盟主之位。不過呢個時候Reid發現被佢冷落好一段日子嘅Lucie有移情別戀嘅迹象，呢位冠軍級人馬能否喺愛情擂台上同樣獲勝呢？