渡海濠情：性感競爭力無人能敵
每到夏天唔少女士都鍾意換上清涼嘅打扮，只係美國有研究指，賣弄性感嘅女士喺職場嘅競爭力較低，難以搵到理想嘅工作。不過澳門龍會嘅索女小煥卻唔係咁睇，佢認為夠膽晒身材嘅女士既有膽識，又有自信，點會唔夠競爭力咁話。
反覺迷人
美國有大學進行咗個關於大眾媒體與心理學嘅研究，佢哋搵嚟118名測試者，並讓佢哋分別睇兩組女性相片，第一組穿着吊帶裙同低胸衫，第二組則着短袖衫同牛仔褲，然後問佢哋兩組相片中，邊組嘅女性更有工作能力。結果發現，喺受測試嘅女性組員中，大部分都選擇咗第二組，理由係性感女士只為吸引男士，因此感覺工作能力欠佳，若然佢哋做面試官嘅話未必會請第一組女性。小煥聞言就點頭話：「呢個道理我明白，事關鍾意着得性感嘅女士，往往會畀到人膚淺嘅感覺，喺咁嘅情況下想得到聘請係難啲嘅。不過大家要留意，如果面試官係男性嘅話，情況就會好唔同，性感打扮反而會有着數，起碼可以令對方留下深刻嘅印象。」
強大自信
當然，小煥隨即表示佢只係講笑，因為衣着要視乎情況而定，只係佢始終覺得經常以性感衣着示人嘅女性，職場競爭力會高啲。小煥解釋：「賣弄性感最重要係乜？唔係身材亦唔係樣貌，而係講求個人夠唔夠膽識同勇氣，要勇於面對他人嘅目光，並且對自己有信心至得，單係呢幾點我覺得已經可以讓佢哋面對職場上嘅挑戰。」既然係咁，唔知小煥夠唔夠膽以超性感嘅打扮去街呢？小煥就話：「點為之性感先？我平時打扮都唔算得特別性感，透視衫加靚胸圍，配埋條超短熱褲係我夏天嘅至愛，偶然我會轉着迷你裙，感覺既清涼又舒服。」咁嘅打扮梗係性感啦！小煥笑道：「如果係咁嘅話，咪即係證明我份人好有自信，若然喺職場打拚一定冇問題囉！」
小煥Profile
身高：5呎4吋
三圍：34、24、34
撰文：魂
攝影：生