有謂「一白遮三醜」，女仔如果肌膚夠白夠滑，就算個樣差少少，身材又唔係咁弗都一樣咁有吸引力，但係點樣先算肌膚質素好呢？好似人氣水着妹中原未來咁白滑鮮嫩，充滿透明感咪最正囉！
大家如果有睇電視同雜誌，不時會見到美容產品廣告搵來日本知名女星擔任代言人，原來除咗係因為品牌來自日本，亦因為日本女仔嘅肌膚天生就相當好，而且保養得非常好，好似中原未來就係一個天生麗質，擁有一身極品美肌嘅水着美少女喇。今年21歲嘅未來係水着界新一代嘅童顏巨乳代表，阿妹嘅上圍同現役掌門人篠崎愛一樣咁勁，未來呢對37G美巨乳斤両十足，唔單只體積夠大，仲極富彈性，最重要仲係呢對G奶被阿妹晶瑩剔透又雪白嘅肌膚包裹住，顯得透明感十足，簡直就係所有男人都夢寐以求嘅透明水晶燈！比起篠崎愛，未來仲有一個優勢，就係身高5呎6吋，比起只得5呎1吋嘅篠崎愛更見突出，絕冇一般巨乳水着妹嗰種肥肥矮矮之感。
中原未來一次接受訪問嘅時候表示，自己最引以自豪嘅身體部分，除咗係呢對透明感十足嘅極品G奶，仲有佢一對明亮眼眸，阿妹覺得每次自己發呆嘅時候，空洞嘅眼神最引人入勝喎。其實，未來唔單只有呢兩個優點咁少，因為好多觀眾都欣賞阿妹青春活潑又好動嘅個性，所以喺2010年出道，並成為福岡女子組合「HR」成員嘅時候，就吸引到大量粉絲支持，未來喺人氣急升嘅情況之下仲順利當上HR嘅隊長，帶領住一班水着妹成員四圍登台又唱又跳，展現少女活力。未來嘅出色演繹仲幫助佢得到電視圈賞識，演出過嘅節目多不勝數，例如《魁!音樂番付Eight》、《偶像之穴》等等。近期未來除活躍於電視界，仲食住個勢參加不同比賽，好似《Miss Action 2014》、《並木橋高中美少女選舉》等，意圖搶佔不同類型市場，積極發圍。
中原未來除咗會將自己嘅生活點滴喺博客同大家分享，仲會將拍寫真時嘅花絮上載，令博客充斥阿妹嘅性感照片。
網址：http://ameblo.jp/nakaharamiku-0126/
年齡：21歲
身高：5呎6吋
三圍：37G-23-34
撰文：賢