雖然近年日本AV女優嘅形象變得健康同正面，但係要成功入屋仲有段距離，所以大家甚少機會見到AV女優演出日劇。然而，最近有前AV女優成功突破防線，不過唔係拍日劇，而係其創作嘅四格漫畫被改編成日劇，仲搵嚟壇蜜做女主角添！
不少日本AV女優都多才多藝，好似青山菜菜就為雜誌寫AV碟評，至於前名大澤佑香嘅晶艾莉引退之後，就成為攝影師，不過撈得最掂嘅，就不得不數到一代AV女神峰奈由果喇！家陣AV迷心目中嘅女神可能只得Julia，而多年前能夠登上佢哋心中嘅女神位置就一定係峰奈由果，除咗因為佢有一股濃郁而親切嘅姊系氣質，仲有佢胸前一對H Cup大木瓜。活躍於2005年至2009年嘅奈由果，由宇宙企劃到成為Moodyz嘅專屬女優，一直以來都人氣強勁，更加係現時兩大巨乳名廠E-BODY同OPPAI嘅開山元老，實在厲害。2009年引退之後，奈由果就成為漫畫家，其知名作品就係描述30歲女性戀愛心態嘅四格漫畫《30小女人無修正》，最近呢套累積銷量達26萬本嘅作品，就被拍成同名日劇，更搵來新一代性感女神壇蜜扮演女主角三十醬。
除咗壇蜜之外，劇中仲有一位同大家闊別咗一段日子嘅AV女神，佢就係實力同地位拍得住吉澤明步嘅朝香美穗喇！今次美穗飾演三十醬嘅死對頭可愛醬，同壇蜜鬥戲又鬥氣。《30小女人無修正》喺日本電視台播映，劇中壇蜜同美穗都勁騷身材，而且同男角有唔少激烈床戲，挑戰電視尺度。
早前峰奈由果同壇蜜齊齊接受訪問，壇蜜表示自己一直都係呢本四格漫畫以及峰奈由果嘅粉絲，有幸扮演劇中女主角感到榮幸。至於峰奈由果坦言以前做AV女優嘅時候只係體力勞動，家陣就要日夜度橋，又要擔心作品嘅人氣度，佢仲話作品未被真人化嘅時候更要擔心冇錢交租同水電費，現時可以話一天都光晒。她更寄語其他AV女優努力發展第二才能，到引退嘅時候就向該方向努力，咁就唔使淪落到做風俗娘咁淒涼喇。
撰文：賢