沼澤地區生態多姿多采，莫講話深得生態愛好者歡迎，亦係唔少人放假休閒熱點，只係加拿大就有個沼澤保護區，每到晚上竟然變成男女野戰嘅熱點！加拿大Kingston嘅沼澤地保護區不但擁有河道、沼澤及森林等嘅原始地貌，而物種亦相當豐富，因此成為唔少人放假去玩嘅地方，只係每到夜晚，Cataraqui Golf & Country Club及The Little Cataraqui Creek交界嘅一部分保護區，卻成為男女喺度偷食地帶。
據當地媒體報道，唔少鍾意喺度夜晚觀星嘅人士，總會喺林中小道或停車場一帶，見到唔少男女喺度進行一啲不堪入目嘅親密行為，雖然佢哋有報警求助，但當警方嚟到前佢哋馬上離開，搞到佢哋煩擾不堪。當地警方表示，喺未來將會加密巡邏次數以打擊有關不雅行徑，相信短時間內呢種野戰風將會有所收斂。
撰文：德