如果大家係本欄嘅長期支持者，應該記得冇幾耐之前曾經介紹過一本叫做《鋼裝麗女 至》嘅寫真集，呢本寫真集嘅特別之處，在於當中五位模特兒都係現役日本女職業摔角手，佢哋身材結實苗條，充滿肌肉美同線條美。之不過，佢哋喺寫真集當中鮮有露面，令大家睇唔到佢哋嘅美貌，了解唔到女摔角手嘅完全美態，今次大家就有機會睇到全相喇！美貌女摔角手藤本司最近就推出首本個人寫真集《infinity》，一圓自己30歲出寫真集嘅心願。藤本司樣子標致可人，身材並唔似得其他摔角手咁大大隻，胴體鮮嫩健美又豐滿，美態堪比水着妹。喺寫真集當中，藤本司會展露大家少見嘅溫柔同純情一面，另外亦會換上火辣泳裝同內衣凸顯妖艷特質，真係好誘惑呀！