宅男天地：吊帶裙少女

對鍾意拉老虎機嘅朋友嚟講，777係佢哋嘅幸運數字，皆因一見呢三個數目字橫財即刻到手。日本人氣動漫《龍孃七七七埋藏的寶藏》亦無獨有偶同錢有關，只係呢一切都唔係重點，最重要係作品中嘅女主角龍孃七七七係一個超可愛兼有身材嘅美少女！至於呢個模型充分展現出龍孃可愛嘅味道，尤其係佢穿着一條吊帶裙更係少女味十足，配合玉手輕撥秀髮甫士，令人忍唔住大叫「卡娃兒」！模型另一個焦點，梗係龍孃心口一對分量十足嘅車頭燈，稍露乳溝，已經令人流晒口水，確係賞心悅目嘅作品。