少女們放暑假夜蒲時真係要小心，酒量唔好就咪亂飲酒，若然要飲酒都要搵個朋友陪住喺身邊，如果唔係好容易出意外！好似美國休斯頓有個叫Jada嘅少女，早前佢參加派對後醉酒倒臥街頭不省人事，並不幸遭到性侵。但禍不單行嘅係Jada當晚瞓街嘅照片，竟被人用手機拍低，更放上網瘋傳，結果引起男男女女爭相模仿，仲開埋群組扮Jada倒臥街頭嘅姿勢放上網分享，命名為「Jada Pose」，後嚟Jada喺網上發現，激動到喊，Jada母親向傳媒發聲明，話大家見到嘅係佢女兒，但並唔係佢女兒嘅真實一面。所以奉勸少女們夜蒲時真係要小心啦！