摔角呢種運動除咗喺美國同墨西哥支持者眾，喺日本亦有好多粉絲，而日本嘅職業摔角比賽仲有女仔參與添！不過大家唔好以為呢班女子摔角手練到身材好似男人喎，好多都只係將肌肉練得結實，變成健美嘅鋼條型而已，加埋本身嘅美麗面孔，真係迷倒好多麻甩仔麻甩佬。雖然大家喺香港好難欣賞到女子摔角，睇住佢哋落場互相比武，但係我哋可以睇呢本叫做《裝鋼麗女 至》嘅寫真集。呢本寫真集請來五位日本美貌與身材兼備嘅女子摔角手拍攝，佢哋會換上三點式等性感衣着，一展充滿曲線美同肌肉美嘅結實身材，為大家呈現另類性感，希望畀大家欣賞一般水着寫真以外嘅一個選擇。