早喺4月時，美籍新加坡妹Tila Tequila宣布有喜，仲對外界話係女嬰，咁情況，唔使多講都知阿妹要退下火線啦！之不過，阿妹至今一句都冇交代過會引退。最近Tila喺網站「Drunken Stepfather」公開一輯大肚比堅尼寫真，其實唔少孕婦趁大肚影輯靚相留念，不過阿妹係四仔脫星，結果引嚟網友道德批判。呢輯寫真完全冇露點，甫士亦相當正經，但係巴打就話阿妹應該為下一代着想，即使拍大肚寫真都要私下拍攝，唔應該公開任由人作性幻想。另一邊廂，亦有人覺得大肚照非常健康性感，力讚阿妹對咪咪仲大咗添！本來係件喜事，依家搞到咁煩都唔知怪邊個好！而細佬就好懷念當日副偈弗到震嘅Tila Tequila，佢嗰條22吋幼腰真係唔知幾時可以睇到喇！