日本AV女優床上戰鬥力強橫就係人都知，AV廠IdeaPocket近期更興起拍《百人斬》系列，安排女優接連同上百男優交鋒，足證班女優的確實力非凡。那邊廂，有猛男以一人之力決戰10個女優，成為人中之龍，佢就係機迷都熟悉嘅桐生一馬！
世界各地嘅電子遊戲近年發展平平穩穩，不過小弟同好多機迷都發現有個現象，就係遊戲嘅成人元素增加唔少，好似暢銷國際嘅暴力遊戲《GTA》咁，除咗血腥暴力，玩家更加可以控制主角到夜總會睇脫衣舞，甚至嫖妓，所以唔少國家都將佢列為禁售遊戲。除咗《GTA》之外，玩法同佢差不多嘅日本遊戲《人中之龍》系列漸漸添加成人元素，將整個夜生活多姿多采嘅新宿歌舞伎町呈現於遊戲之中，玩家更加可以控制主角桐生一馬落夜總會搵陪酒孃把酒談心，而正處於製作階段嘅新一集《人中之龍》遊戲更破天荒同日本AV界合作，將AV女優帶入遊戲當中與桐生一馬正面交鋒！同時隆重舉行《人中之龍性感女優人氣投票》，開放網上平台畀大家進行全民公投，為一馬選出10位極品AV女優成為遊戲中嘅陪酒孃。
投票活動由即日起至8月3日為止，只要大家Click上http://ryu-ga-gotoku.com/sexy/就可以投票。每日每人可以投5票，不過呢5票絕對唔夠使，因為參選嘅AV女優足足有100個咁多，當中包括超人氣嘅紗倉真菜、白石茉莉奈、大槻響、友田彩也香等。而初步得票結果已經有公布，令人驚訝嘅係小淫娃紗倉真菜只係排第二位，獲得33,000票，而近期人氣大跌嘅有村千佳居然獲38,000票成為第一位。是次投票活動除咗機迷重視，有份參加嘅一班AV女優亦極度緊張，從紗倉真菜、有村千佳同白石茉莉奈嘅博客當中，都見到佢哋努力拉票。事實上遊戲界一直都鮮有同AV界扯上關係，今次有機會喺遊戲當中同機迷見面，肯定有助提升名望，所以班女優至咁緊張囉！
撰文：賢