宅男天地：火辣女狂魔

美國有唔少經典嘅恐怖電影，好似《德州電鋸殺人狂》、《猛鬼街》、《黑色星期五》等，當中嘅殺人狂魔令人不寒而慄。然而，日本模型商將呢班殺人狂魔化身成美少女，推出名為「Horror美少女系列」。繼頭炮《猛鬼街》女版Freddy模型大受歡迎後，第二個登場嘅就係嚟自《黑色星期五》嘅變態殺手Jason Voorhees。喺著名模型師山下俊也設計下，Jason化身成為身材玲瓏浮凸嘅美少女，一對飛釘美乳固然吸引，超性感嘅熱褲更係令人流晒口水。除咗外形索爆之外，模型同時保留Jason嘅招牌面具同埋手上嘅武器。