美國密西根州有個39歲嘅男士名叫Dan Maurer，因為患咗「陰囊淋巴水腫症」，自20多歲起，蛋蛋不斷脹大，目前佢嘅蛋蛋已經成為「巨蛋」，單係蛋蛋嘅重量已達到130多磅，除咗令佢行動不便，更嚴重影響到性生活，據知佢同太太已經7年冇行房。Dan話以前唔知道自己患有怪病，以為自己癡肥，直至有日佢睇電視，才知道自己原來患上「陰囊淋巴水腫症」。而做手術切除「巨蛋」，需要2萬美元，大約15萬港元，不過佢多年嚟都冇工作，所以冇咁多錢做手術，於是佢喺網上公開自己嘅病況，並進行籌款，目前已籌到4,000多美元，雖然距離目標仲差好遠，但Dan表示有信心好快籌得足夠嘅手術費，將巨蛋切除，重新做人。