好多人都認為，擺部電視喺睡房會影響夫妻生活，好似早排《星星》熱，老婆掛住煲韓劇而冷待老公。但原來實情係剛好相反，據英國一個消費網嘅調查所得，有部電視喺睡房嘅夫妻，比冇電視喺睡房嘅夫妻親熱次數，竟然多出1倍以上！呢個調查名為「電視如何影響你的性生活」，訪問咗2,430名已婚人士，結果有三分之二受訪者話喺睡房擺放電視，夫妻生活會更好，而有5成受訪者更認為一邊睇喜愛嘅電視節目一邊交歡，會更加興奮。此外，該調查亦有問及與AV片有關嘅題目，結果係夫妻喺睡房睇AV片，比喺客廳睇AV片，更容易燃起慾火。當中最有趣嘅調查結果係，唔少夫妻與家人同住，為免尷尬而唔敢親熱，但如果睡房有部電視，只要開着之後就可以放心做愛，甚至喺睡房打開電視，便成為求歡嘅訊息，老公或老婆馬上就會進入作戰狀態喎！