最近去澳門夜場，放眼所見其實客人不算少，不過那班管理人不約而同都愁眉不展，探問了幾位朋友，原來大家都為自由行新策略所帶來的影響非常擔心，「上面打貪，客人肯定少一截啦，邊個仲敢咁張揚落嚟賭錢？少人賭，連帶我哋夜店都難以獨善其身。不過最大件事，係囡囡來源，之後逗留時間短咗，囡囡以後搵食成本一定增加，班女更矜貴，到時自然更加難以管教啦。」就我所見，女孩難以管教的確是近年馬交夜場中人共同面對的問題，「都習慣o架啦，時代唔同，無可能再要求佢哋好似以前咁聽話，呢點大家都明。」
不聽話的表現最明顯是她們不再容易就範，你叫她做甚麼她也照辦如儀，「以前想搵佢哋幫手影張海報又或者拍少少嘢一般都好合作，依家佢哋會問清楚，唔合理的話一於睬你都傻，而且一樣無得逼，唔鍾意的話佢哋咪轉場囉，東家唔打打西家，使乜驚。」
囡囡不聽話的表現其實還有很多，只是經理說不方便公開，「當然，我唔係老闆，唔到我煩，仍係惡劣的話咪轉行囉。」
撰文：黃韋龍