宅男天地：性感巫女

童話故事中嘅巫婆又老又皺皮，而且惡形惡相，一啲都唔討人歡心。不過，呢位巫婆就完全相反，不但以美少女形象登場，前凸後趷嘅身材加上性感扮相，更係令人耳目一新兼流晒口水！佢嚟自「Fairy Tale Figure Villains」成人模型系列，呢個系列以童話故事中嘅奸角作為主題，將佢哋變成身材火辣嘅性感美少女，從而帶畀大家新鮮感。呢位嚟自童話故事《白雪公主》嘅毒蘋果巫婆，今次佢手上拎住一個手榴彈及骷髏頭魔杖，外形夠晒邪惡，配合埋一副魔鬼身材，真係魔氣十足呀！