寫真女星壇蜜毫無疑問已成為當今日本嘅情色女王，之不過對於好多有要求嘅資深鹹片支持者嚟講，壇蜜尚有不足之處，就係欠缺一股狠勁，至於點樣先可以夠狠夠勁呢？壇蜜大可以好好學習其前輩，一代粉紅電影女王池玲子。
介紹池玲子之前，先為大家講解一下同池玲子有莫大關係嘅粉紅電影。粉紅代表可愛同浪漫，但粉紅電影同呢兩種感覺大相徑庭，因為佢係集色情、血腥、暴力同SM元素於一身，以激發同滿足人類潛在嘅最邪惡慾望為目的，喺七十年代嘅日本電影界盛極一時，到家陣粉紅電影亦產量不少，知名SM電影系列《花與蛇》就係好例子。而提到七十年代嘅粉紅電影，不得不提嘅還有兩個女演員，一係杉本美樹，二係今日為大家介紹嘅池玲子。出生於1953嘅池玲子，原先係一位裸體模特兒，生得尚算五官標致，而其火辣身材則絕對比起佢嘅樣貌搶眼，據講池玲子年輕時就係憑住胸前一對38吋超級巨乳而成名。後來，更得到電影監製天尾完次同鈴木則文睇中，搵佢夥拍杉本美樹演出粉紅電影作品中嘅經典《溫泉蚯蚓藝者》。
池玲子於首次作銀幕演出的《溫》片中就大跳全裸艷舞，盡露一副激凸身材，加上淫意十足，令佢人氣勁升，而電影嘅成功更令二人搖身一變成為支撐粉紅電影嘅天后。池玲子之後拍嘅電影同樣被稱為經典之作，例如《恐怖女子高校》、《女番長》系列、《沒有仁義的戰鬥》等等，而佢喺眾多作品中都大露姣好身段，最重要係演出嘅角色大多數都係被環境逼得逆境求存、以暴易暴嘅女仔，表現出日本女性少有嘅狠勁，形象鮮明出眾，到現時日本藝能界依然搵唔到第二個，後來池玲子更獲邀來港拍攝電影《心魔》。除咗拍戲，池玲子有一段時間曾擔任歌手，最知名嘅大碟係《恍惚的世界》。池玲子喺呢隻大碟當中以甜美嘅聲線獻唱，仲加入真情流露嘅呻吟聲，為美妙嘅歌聲同旋律添上無窮淫意，認真破格出位！
撰文：賢