情慾字海廣闊無邊，縱然遇到一啲熟口熟面嘅英文情慾字詞，好多時都唔知佢嘅出處，更遑論一啲嚟自英美嘅通俗俚語，喺呢個時候就會忍唔住問一聲「Y」（Why）！今次就輪到以Y字為首嘅情慾英語，唔知當中你又識得幾多個呢？
翻查英文字典，會發覺Yank解作快而有力咁抽拉，只係呢個字有另一個意思為男士自娛。Yank之所以同男士自娛扯上關係，係因為呢個係男士自娛嘅指定動作，所以便成為代表呢個行為嘅通俗俚語。講起男士自娛，今年4月阿根廷22歲青年Hugo Lopez，打破咗一日之內自娛次數最多嘅世界紀錄。佢從星期四晚上8時至星期五晚上8時呢24小時內連續自娛咗83次，比起之前由泰國男子Santi Amranand喺2012年6月16日所創61次嘅紀錄，足足多咗22次！據Hugo個母親講，佢自細就好鍾意匿喺房度自娛，而佢哋相信總有一日，Hugo會以自娛闖出名堂云云。姑勿論如何，專家話自娛咁多係有傷身體，大家千祈咪亂嚟呀！
女士為男士吹奏，英文叫做Blow Job或Oral Job，咁男士為女士吹奏口琴，英文又叫做乜嘢呢？嗱！學名嘅話就叫做Cunnilingus，若然係俚語嘅話則稱之為Yodeling in the Canyon。雖然唔少男士都鍾意女士為自己吹奏，但講到反過嚟幫對方吹口琴嘅話，則紛紛擰頭話唔制。其實呢種觀念要改變喇！事關喺外國原來男士吹口琴嘅比例，比女士幫男士吹奏嚟得多，好似喺2010年英國就有機構做咗個調查，發現喺受訪男士中，有兩成七表示佢哋喺過去一年內曾經為女伴吹奏，比幫男士吹奏嘅一成九女士多出百分之八。
美國有唔少有艷舞表演嘅夜總會，只係講到最囂張嘅卻要數呢間位於美國德薩斯州奧斯汀嘅全裸艷舞夜總會Yellow Rose！呢間於2012年6月開張嘅夜總會，最囂張嘅地方就係自稱佢哋雲集咗奧斯汀及美國各地最索、身材最火辣嘅舞蹈員，並提供世界最頂級嘅成人娛樂。其實佢除咗裸體艷舞夠吸引外，佢每晚仲有比堅尼艷舞、無上裝膝上舞、性感DJ等表演，並提供私人包廂等大家瘋狂玩樂。事實上，有唔少去過嘅玩家都留言，稱讚呢間夜總會的服務同環境都相當值得捧場。能夠得到玩家齊聲讚好，又真係抵佢哋咁囂張嘅。
每次講起攝製情慾四仔，我哋好多時以為作品都係嚟自美國，其實除咗美國，其他國家所推出嘅四仔亦相當有質素，好似嚟自英國嘅Your Choice就係其中一間。呢間創立於1987年10月嘅四仔製作公司，起初以英國為基地，以家庭式運作，並從事美國四仔郵購及零售到英國及歐洲業務。隨住公司規模愈嚟愈大，開始以英國脫星作為女主角並進行自家攝製作品，作品主要供應英國及歐洲，而佢最出名嘅就係英國素人系列，同佢合作過嘅著名脫星有Terri Summers、Kelly Fox等。不過隨住英國法規所限，Your Choice其後將基地轉到荷蘭。
網址：www.yourchoice.nl
喺美國四仔界搵食嘅外國索女有好多，從英國、俄羅斯、法國等都有，只係嚟自摩洛哥嘅為數卻唔多。雖然人數少，但質素卻相當高，好似Yasmine Lafitte就係其中一位。1973年10月1日出生嘅佢，細個時隨屋企人移居法國，高中畢業後曾從事護士同侍應工作。喺2004年時，佢同男友經雜誌介紹下成為四仔演員，開始佢脫星工作。憑住34D、24、33嘅魔鬼身材，Yasmine好快喺四仔界打響名堂，更經常現身男士雜誌封面，成為著名男士雜誌嘅代言模特兒。喺2007年佢參演電影《A Lost Man》，並出席法國嘅第60屆康城電影節。此後，佢開始淡出四仔界，專注電影事業發展，分別喺2007年Venus Award及2008年Eroticline Award中獲得最佳歐洲女星獎，又連續喺2007年及2008年X Awards中獲得最佳女星獎。
如果要數日本AV界歷屆天后嘅話，小室友里一定榜上有名。呢位出生於1976年7月28日嘅天后級女優，不但擁有35、24、35玲瓏浮凸身材，迷人嘅樣貌更係深深迷倒唔少AV迷。早喺1996年出道嘅佢，憑住處女作《新．官能姬 第2章》即時成為AV迷嘅焦點，並成為芳友Produce（H.M.P前身）專屬女優，作品銷量更超過當年嘅另一位AV天后星野杏里。到咗1998年，回復自由身嘅友里人氣不減，並成為唔少商業產品代言人，同年以《聖★癡女》呢套AV作品獲得日本雜誌《Video the World》下半年嘅最優秀作品賞。及至1999年，友里發表引退宣言。引退後嘅友里繼續活躍於銀幕，不但成為歌手，更參與舞台劇演出，喺2005年7月至2006年2月間，佢更開設個人博客從事寫作。及至今日，友里仍活躍於歌唱及舞台劇演出。
撰文：魂