前NBA冠軍球員洛文早前上咗電台接受四仔脫星Amber Lynn主持嘅性愛節目訪問，同場仲有兩位脫星主持Kristen Renton及Ima Tite，三娘夾攻洛文，未開咪前大家好期待洛文會有乜堅料爆，但事實係悶到抽筋。主持問洛文性生活如何，當事人就話好豐盛，鍾意學四仔男女咁喪玩體位，甚至砌到好似摔角比賽咁都試過。之不過，N年前已有「壞孩子」之稱嘅洛文，呢啲都只係碎料啦！主持人繼續氹洛文爆料，先讚佢極具魅力，係非常感性兼獨一無二嘅猛男，假如成為男優，絕對係四仔界嘅光榮，無奈洛文似乎對喺鏡頭前執劑無乜興趣，相反私低下相約現役脫星上床交流，佢就話多多都唔介意喎！其實洛文由始至終都冇句真，話唔定今次接受訪問係試水溫，若然外界反應好，真係入行做男優都唔出奇呀！