近期歐美四仔界同日本AV界都吹起懷舊風，好似四仔大廠Private推出懷舊系列，將50年代嘅鹹片帶畀大家欣賞；另一方面，日本AV廠就將一套經典美國四仔帶到本土。
現時電影界好興翻拍，例如《哥斯拉》、《蜘蛛俠》等都係重新拍攝之作，美其名就係經典重現，事實上，我覺得都係電影界嘅創作班底江郎才盡，加上投資者唔多敢冒險拍新戲所致。而呢種情況喺日本AV界亦有發生，好似老牌AV廠Alice Japan咁，上年開始重新拍攝自家經典系列，例如《侵犯魔》同《人間廢業》等。至於，歐美四仔界方面，亦有翻拍情況，不過就唔係將以往嘅鹹片重拍一次，而係將經典電影進行二次創作，精心打造出一套又夠鹹濕又具噱頭嘅四仔巨製，例如早前推出嘅《風月俏佳人》以及《星空奇遇記》四仔版都令AV迷回味無窮。有見及此，一向都有引入歐美四仔嘅日本AV廠桃太郎映像亦吹起懷舊風，將《油脂》四仔版隆而重之咁帶到日本，未睇過嘅真係要睇，因為呢部可謂美國四仔嘅極品。
相信上咗年紀嘅朋友都睇過經典電影《油脂》，當年靚仔又好舞功嘅尊特拉華達於戲中盡展反叛不羈嘅個性，真係型到爆，配合勁歌熱舞，迷倒一眾觀眾。而美國四仔片廠Adam & Eve早前就將《油脂》拍成四仔版，戲中嘅男女主角Seth Gamble同Riley Reid，扮到60、70年代嘅年輕一族，同時背景亦回到過去。故事講述成班飛女點樣溝仔上床，享受青春好年華，極具懷舊Feel。作為一部四仔，當然不乏交歡場面，有校園大混戰、打野戰、的士高多男鬥多女等，官能刺激應有盡有。最有趣嘅係，片中一班男女學足電影咁載歌載舞，唱盡懷舊金曲，互相傳情，難得嘅係佢哋唱起上嚟有板有眼又正正經經，令作品夠鹹又夠趣，唔怪得連日本AV廠桃太郎映像都要將佢帶返日本發售啦！
撰文：賢