社會愈來愈進步，男女之間嘅差距亦逐步拉近，之不過，要做到真正男女平等就仲未成功，例如男人可以唔着上衣通街走，但係女人就唔得啦！其實呢個情況喺先進國家如美國亦一樣，好似紐約咁，雖然1992年已經為當眾露體行為免去刑責，但係女人出街露兩點的話，警察一樣照拉，甚至會用上武力執行拘捕行動。有鑑於此，一班一心爭取女性平等嘅人士就聯合起嚟，發起「Free The Nipple」運動，即係解放乳頭運動。佢哋會學似烏克蘭嘅團體FEMEN咁露點上街遊行，同定期舉行公眾露點活動，最近仲拍咗一部電影，反映女性於公眾地方露點時，所面對嘅歧視同暴力，大家如果對呢部作品以及呢個運動有興趣，不妨Click上http://www.freethenipple.com/了解一下。