講到最能夠吸引宅男嘅女仔類型，相信一定非童顏巨乳美少女莫屬，而呢類女仔喺國際間嘅寫真界同鹹片界都有好多，但能夠成名於大銀幕嘅則相對較少，不過都唔係冇，好似來自瑞典嘅經典脫星姬絲汀娜林柏格（Christina Lindberg）就係其中一位喇。
七十年代，情色電影興起一時，當時彈起嘅多數都係來自意大利嘅艷星，如愛雲芬芝、納迪亞凱絲妮等，不過作為北歐國家嘅瑞典都唔輸蝕，因為佢出產咗一位被譽為斯堪的納維亞半島性感女神嘅姬絲汀娜林柏格。姬絲汀娜1950年於瑞典出生，生長在一個工人階級嘅家庭，讀書嘅時候修讀考古學，立志成為一個考古學家。好彩係佢嘅志願並未得以實踐，如果唔係我哋就欣賞唔到呢位長大後，變得亭亭玉立、俏麗可愛之極兼且擁有一對驕人巨乳嘅小美人喇。姬絲汀娜18歲一次到沙灘玩樂嘅時候，就被星探發現，並將佢帶到模特兒界，咁又係，姬絲汀娜上圍勁得咁交關，發現唔到佢至奇啦。初期，姬絲汀娜已經毫不錫身，為瑞典雜誌《FIB aktuellt》以及《Lektyr》拍裸體寫真一騷天賦本錢。
姬絲汀娜嘅童顏同巨乳令當時嘅演藝圈為之驚艷，到1973年佢仲獲得電影界賞識，拍攝首部電影作品《Maid in Sweden》，之後佢拍嘅電影《Rötmånad》成為第二女主角，吸引到25萬瑞典同胞支持，令該電影取得商業上嘅成功之餘，仲為佢帶來名氣。到佢演出嘅第三部作品《Exponerad》喺康城影展上映，其外在美以及演技就正式展現於世。她從影以來拍過不少以賣弄身材為主嘅電影，較有睇頭嘅一部就係《Anita》。戲中姬絲汀娜同男主角由探討心事到解放心中性慾，過程由曖昧到激情，慢慢地暴露觀眾眼前，再由男角做足前戲，撫弄巨乳兼且又攬又錫，她鮮嫩嘅胴體畀大家睇清楚，而其渴望嘅表情亦一樣誘惑之極。此外，姬絲汀娜仲曾經去到日本拍情色電影《豬鹿蝶》，佢除咗有唔少剝衫戲，仲同女主角池玲子進行激烈豆腐戲，認真夠激！
撰文：賢