X好多時代表神秘、秘密、極限等，而喺情慾字海中，X更代表男女原始嘅本能、衝動同禁忌。究竟有乜嘢詞語可以體現出X嘅特性呢？以下我哋從唔同嘅角度，展現出X嘅性感、慾望同衝動嘅特質，等大家可以投入呢個神秘嘅慾海之中。
如果要數當今紅到爆嘅美國成人模特兒，一定唔可以唔提Xoxo Leah。出生於1989年5月4日美國候斯頓嘅佢，仲以Leah CWH同MissLC兩個藝名搵食，而當初只不過係網絡模特兒嘅佢，憑住超索嘅樣及玲瓏浮凸嘅身材，加上極為誘人嘅火辣寫真，喺極短嘅時間內成為炙手可熱嘅網絡成人模特兒。擁有極高人氣嘅佢，好快受到唔少成人平面媒體嘅青睞，並且喺2009年成為英國《太陽報》嘅第三頁女郎，跟住仲推出個人寫真集、月曆、T恤等。而Leah嘅商業頭腦相當高，索性開設個人官網搵真銀。會員制嘅官網除咗定期更新寫真相外，仲上載各種火辣短片益粉絲。
若然有留意開歐美成人產業嘅話，會發覺佢哋嘅網站同四仔，經常出現XXX呢個詞語，究竟代表乜嘢意思呢？有人以為XXX係Sex嘅簡稱，其實咁只係啱咗一半，事關佢係嚟自美國嘅電影評級制度，將所有僅供18歲以上人士觀看嘅電影列為「X-rated Film」，亦即係限制級電影咁解，但凡電影內容涉及色情、暴力等內容，都會被列入呢個級別，而四仔由於有大量情慾鏡頭關係，故此亦被列入此類。至於XXX嘅產生，則係有啲四仔片商為咗凸顯內容夠色情關係，因而將四仔片名加入XXX呢個簡稱。此外，部分成人網站亦以.xxx作為域名以資識別。
曳曳最重要係乜嘢？過程、男女關係、情感表達等統統都唔係，最重要係得到高潮！如果冇高潮嘅話，你話曳曳又有乜嘢意思呢？不過現實中真係有啲人無法得到性高潮，而呢種情況英文就叫做Xeronisus。當然，冇性高潮嘅原因有好多，主要嚟講可以從生理同心理兩方面去分析，只係講番性高潮，咪以為個個男人都可以得到喎！事關有大型避孕套公司曾經做過個調查，喺受訪嘅全球兩萬六千人當中，只有四成八嘅受訪者表示經常有性高潮，而當中有六成一係男性，三成三則為女性。從呢個數字嚟睇，原來唔係個個人都有性高潮！
X City對唔少AV迷嚟講嘅作用相當重要，作為全日本最大嘅成人網站，成立超過15年嘅佢除咗發售AV外，仲推出網上寫真集、成人視頻、女優聊天室等等，並且每個星期進行更新，仲作為AV女優宣傳嘅平台。多年以嚟，佢共推出超過一萬條視頻同超過三百套寫真，而同佢合作嘅AV片商包括宇宙企劃、Max-A、九鬼等等。此外，佢更喺1998年至2004年期間，舉辦全日本AV頒獎禮，不但奠定佢喺AV界嘅地位，更促進日本AV質素嘅提升。
網址：xxx.xcity.jp
前面講過有四仔片商為咗凸顯作品夠鹹同夠淫，於是用XXX嚟套落四仔作品度，好似四仔系列「XXX Parodies」就係其中一個好例子。XXX Parodies全名為「Vivid XXX Superheroes」，係美國著名四仔片商Vivid Entertainment旗下其中一個四仔系列。呢個系列最大嘅特色，就係將一班美國漫畫超級英雄，惡搞成鹹片男女主角，並以高模倣性及高質拍攝著稱。呢個系列嘅元祖作品，為喺2010年5月推出嘅《Batman XXX: A Porn Parody》，由著名四仔導演Axel Braun負責嘅作品，憑住出色嘅拍攝、故事及維肖維妙嘅蝙蝠俠扮相打響名堂，隨後系列仲惡搞咗蜘蛛俠、超人、狼人、復仇者同盟等超級英雄。據Axel講，呢個系列可以滿足到超級英雄迷嘅慾望喎！
美國成人界有舉足輕重嘅雜誌Adult Video News（簡稱AVN），不但以報道美國成人產業新聞為主，佢所舉辦嘅四仔奧斯卡頒獎禮更係有極大影響力，因此能夠被選為500套必睇四仔之一，說明呢套作品有幾大來頭，而呢套喺1984年推出嘅四仔《X Factor》就係其中之一。被譽為歷年四仔作品中嘅經典愛情作品，唔單止性愛場面拍得夠細膩，愛情故事橋段更係拍得住主流嘅愛情電影。故事講述性感迷人嘅女主角Pamela Mann同男主角Eric Edwards間嘅愛情故事，從當初嘅偶遇、誤會，到彼此不斷地認識同諒解，兩人慢慢建立咗一種微妙嘅情感，甚至發展出一種超越性愛嘅關係。
撰文：魂