宅男天地：露底和服少女

日本人氣輕小說《機巧少女不會受傷》自從2009年推出以嚟，一直人氣十足，上年10月更推出動畫，足見呢套作品非常受歡迎，而相關模型當然要食住個勢推出，今次就係作品中嘅萌爆美少女主角夜夜喇！原作中擁有前凸後趷身材，兼夾經常有惹人遐想場面嘅夜夜，其最新模型同樣賣弄性感，穿着中門大開嘅和服，露出誘人無比嘅乳溝，而下半身仲露底，單係呢個造型已經叫人心跳加速。模型嘅手部可以作出小角度嘅郁動，目的就係讓玩家可以睇到多啲夜夜迷人嘅心口。