近期講到南美熱潮，都會諗起世盃，只係想體驗南美熱浪又使乜去到咁遠，事關嚟緊嘅星期六，澳門夜蒲潮地Club Cubic，搵嚟阿根廷著名DJ二人組合HeatBeat到臨演出，以激烈節拍震動大家嘅神經！由Agustin Servente同Matias Faint喺2006年成立嘅DJ二人組合，善於將各種電音器材、電音風格，加上獨特嘅音樂感組合埋一齊，而從佢哋出道以嚟，先後推出多張原聲大碟，當中包括《Paradise Garage》、《Ask The Angels》、《Rocker Monster》及最新出爐嘅《Game Over》等。喺2013年DJ Mag嘅百大DJ排行榜名列81嘅佢哋，近年於全球巡迴演出，先後有美國、澳洲、加拿大、歐洲等地方，而呢次嚟到澳門嘅演出實在令人期待！