識得英文嘅都知道，好多同疑問有關嘅，都以W為首，好似What（乜嘢）、When（幾時）、Why（點解）、Who（邊個）等，如果再加埋Woman，真係幾趣都有。其實同W有關嘅情慾英文仲有大把，唔知當中邊個可以引到你心郁郁呢？
對天體愛好者嚟講，夏日去泳灘固然係指定動作，而有人就話如果要去，就一定唔可以錯過呢個位於加拿大溫哥華嘅Wreck Beach！作為全球知名嘅天體海灘之一，佢嘅賣點並唔係水清沙幼，亦唔係可以玩各種水上及陸上活動，而係佢令天體愛好者樂而忘返嘅氣氛。由於呢個海灘有樹林做屏障，加上要通過一條漫長嘅石級先至到達，故此隱密性相當高，亦因為咁嘅緣故，每年夏天都吸引大批嚟自各地嘅天體愛好者，亦經常舉辦唔同類型嘅天體活動。此外，呢度最為特別嘅地方，就係喺海灘上叫賣嘅小販都係以裸體上陣，令天體愛好者倍有親切感。
雖然家陣唔少脫星都會演而優則導，但講到當中真係做到演得出色，導亦相當有名氣嘅話，Wendi Knight就係其中一位。呢位出生於1975年4月23日嘅美國脫星，從1997年開始脫星生涯，而喺佢演出嘅日子中，先後喺1999年、2000年同2001年嘅AVN頒獎禮中獲得最佳群戰性愛場面大獎。Wendi唔單止演出備受讚賞，佢所導演嘅作品亦相當叫座。從2003年開始，佢推出自己導演嘅作品《Grand Theft Anal》，而憑住呢套惡搞美國人氣電玩《GTA》嘅處女導演作品，Wendi開始備受注目。直到佢喺2006年引退期間，仲導演過《Strip Tease Then Fxxk》同《Wet Dreams Cum True》兩個四仔系列。此外，Wendi嘅丈夫就係著名四仔片商Zero Tolerance嘅老闆Greg Alves。
須知道美國四仔業競爭相當激烈，能夠被稱為可以主宰呢個龐大市場嘅四仔公司之一，足見佢實力有幾咁雄厚，而講緊嘅就係Wicked Pictures。呢間由Steve Orenstein喺朋友Brad同Cynthia Willis協助下，於1993年成立嘅四仔製作公司，成立冇耐就簽下當時四仔界著名脫星Chasey Lain成為首位特約脫星。喺1995年時，佢簽下第二位對公司影響深遠嘅脫星Jenna Jameson，而喺公司嘅包裝同力谷下，Jenna喺同年成為公司首位獲得AVN Awards最佳女主角及最佳性愛場面嘅女演員。截至2004年年底，Wicked Pictures總共獲得71個AVN獎項，而獲獎數字更每年刷新。從2006年開始，Wicked Pictures更開始推出高清四仔作品。
想成為AV迷心目中嘅名廠，方法其實好簡單，就係發掘或搵到一班有樣有身材嘅女優坐鎮就得，好似呢間創立於1998年，並以東京新宿作為基地嘅Waap Entertainment就係其中之一。呢間以開發單體女優作品為主嘅AV片商，最強嘅地方就係佢發掘同挖角嘅能力，從開業至今喺佢旗下工作過嘅著名AV女優有小澤瑪利亞、及川奈央、立花里子、渡瀨晶等等，單係呢份名單對AV迷嚟講已經夠晒勁！除咗AV女優陣容夠強外，多年嚟佢亦培養出多位實力過人嘅AV導演，當中包括黑澤Oops、皇獅婁、Jo Style、Kingdom等，可以話係著名AV導演嘅搖籃。
Wet Dream從字面上解作濕濕嘅夢，其實佢真正嘅解釋係「夢遺」，而佢另一個名字則係「Nocturnal Emission」。一般男性出現夢遺嘅年齡從12至15歲左右，據專家講夢遺係男人性成熟嘅標誌，而產生嘅原因係精液積存過多而引起，係正常嘅生理現象。有統計顯示，約有兩成嘅未婚男士曾有過夢遺，一般係每個月兩至三次，需要留意係夢遺對健康、生育、工作同學習都唔會產生影響。其實除咗人類男性外，大部分嘅哺乳類動物都會有夢遺，好似老鼠、貓、大耳狐、蝙蝠、豹、刺蝟等。
熱辣辣嘅日子中，唔少女士都會選擇着低胸衫、低腰熱褲嚟散熱，對男士嚟講呢個係讓眼睛飽吃冰淇淋嘅機會，尤其係見到露出丁字褲邊嘅低腰熱褲索女時，更係流晒口水添！原來喺英文中，呢種低腰露出丁字褲邊嘅情況稱之為「Whale Tail」（鯨魚尾）。點解會稱為「Whale Tail」呢？據講，由於丁字褲邊嘅外形同鯨魚尾差唔多，於是得到呢個名字。事實上，喺美國唔少索女都唔介意露出Whale Tail，感覺好性感之外，甚至會搵條有特色花款嘅丁字褲，等睇起嚟更加時尚。
撰文：魂