古時話女仔最緊要有三從四德，到家陣好多男仔都覺得女仔只要有一「得」就可以，就係睇得。人氣水着妹階戶瑠李就除咗樣子睇得，婀娜身材相當難得，把口仲講「德」，因為佢真係識講德文囉。
師傅教落做人最重要有目標，而目標可以係賺錢及物質上嘅要求，亦可以係一個發奮目標。而喺日本藝能界，新出道嘅藝人女星通常都以綾瀨遙為目標，至於水着妹方面，行大膽演出路線嘅壇蜜就係不二之選，好似人氣水着妹階戶瑠李就曾表示一直以來都以壇蜜為學習及奮鬥目標喇。25歲嘅瑠李五官標致，氣質俏麗又帶點天真無邪。不過，每當瑠李一雙迷人眼神微合，氣質卻又由正變邪，好似一位慾求不滿，突然深宵上門求得一夜慰藉嘅慾女一樣，睇落大家仲可能會覺得瑠李個樣同情色女王壇蜜有幾分相似，而事實上瑠李自己亦有同感。至於身材方面，瑠李話自己比壇蜜更為優勝，至少其34D-23-34身材婀娜勻稱之餘，比壇蜜嚟得更加天然，冇乜人工味。
階戶瑠李喺2010年出道做水着妹，賣弄姣好身段以及迷人美貌，由於贏得唔少人氣，獲得電視台賞識搵佢演出娛樂節目《藝人報道》，擔任主持。之後，瑠李仲食住個勢參加選美活動「Miss Flash 2013」，憑住其自信十足嘅表現以及一眾粉絲嘅投票支持，令阿妹勇奪冠軍殊榮。除咗電視演出，瑠李亦有踏足舞台，古裝舞台劇《戰國降臨Girl》就係其演出作品之一。而成名之後，瑠李嘅豪放程度隨人氣一齊上升，曾經喺一次訪問當中表示，由於所屬嘅藝能事務所禁止旗下藝人談戀愛，所以成日都失眠，因為佢即使思想上冇思春，但身體都好需要得到慰藉喎。近期，瑠李嘅演出同樣大膽，就好似今年年初演出嘅電影《Undressed 美奈子 R-18》咁，雖然冇露點，但係亦有全裸上陣同男角激烈床戰，翻雲覆雨，認真係夠放夠淫，挑戰壇蜜嘅地位睇嚟唔係冇可能。
呢個係階戶瑠李嘅專屬網頁，入面有齊阿妹嘅資料之餘，仲有其最新消息發布，想知道阿妹最近又有乜新作品推出，就要留意呢個網頁喇。
網址：http://ruri-shinato.com/
年齡：25歲
身高：5呎3吋
三圍：34D-23-34
撰文：賢