每次過澳門總是覺得好多人、好熱鬧，感覺是各行各業都一片欣欣向榮，倒是我遇見的夜場中人卻總是戚戚然的，「係咪生意唔好呢，其實我每次上場，都仲見到幾多人吖……」這天，我問這位早前已經轉行的前桑拿經理，「客係有，咁當然同以前班客唔同晒啦，我哋初入行主力做港客嘛，呢幾年，港客又有，韓國、日本、大陸、外國乜都有，數目上應該無以前咁多，不過價單上肯定依家更大……」既然有錢搵，為何大家都做得咁慘？
「一來依家經常要受女氣，啲女愈來愈難湊，你趕走佢咩，掉轉頭到老闆嚟嘈你，就會話做乜趕走我啲王牌呀？二來，依家做夜場好大風險，有乜事隨時上身。」畢竟，大家都知道，雖然馬交夜店對客人來說是很安全，但好多嘢都是踩界的，有事了，場中某些人就要擔當，「咁澳門好多行業都有得做，唔係一定要做夜場啫，你話好多錢都係咁話，有風險個喎。」
這位前經理現時在酒店做私鐘，手上有一些以前跟過他的囡囡，主要是透過電話去招客，「咪一樣有風險！」我跟他說，「自己嘢，死都抵啲啦。」
撰文：黃韋龍