成日都有人話女仔明知男伴去滾，只要唔太過分，最好就係扮懵唔出聲，甚至對男伴千依百順，咁先可以令關係更長久更穩固。日本水着妹篠原冴美唔知係咪明白呢個道理，所以成日都喺其他人面前扮傻，令自己嘅愚昧成為話題，兼且贏得朋友嘅關愛。
日本女子組合惠比壽麝香葡萄一登場，就令全世界嘅男士趨之若鶩，無他嘅，組合嘅成員有吉澤明步、蒼井空、麻美由真等等人氣AV女優，有乜辦法唔引起男士們嘅注意呢！不過，正因為有咁多AV女優，令唔少屬於「正派」嘅成員都被誤會拍過AV，篠原冴美就係其中之一。老實講，我都好想佢下海做AV女優，因為佢副偈實在太正。現時21歲嘅冴美五官標致，雙眼精精靈靈，氣質甜美又帶稚氣，睇真少少仲覺得佢同AV天后麻美由真有幾分相似，一樣人見人愛，車見車載。除咗相貌相似，冴美同麻美由真嘅身材亦同樣咁誘人。冴美身高5呎5吋，腰肢22.5吋，上圍就有34F！而身上嘅肉地結實又富彈性，平時一定好畀心機做運動至有咁嘅效果，令其胴體吸睛度爆晒燈！
冴美喺2010年出道做水着女優，契機就係參加Miss Young選美比賽，憑住青春活潑嘅特質及一流身材而奪冠。其實得獎之前，冴美已經與藝能界有接觸，因為佢讀初中二年級時候，曾參加時尚雜誌Hanachu舉辦嘅模特兒選拔活動，獲得最優秀表現獎，仲成為業餘模特兒。成為水着妹之後，冴美發展順利，推出過唔少寫真DVD，後來更加成為惠比壽麝香葡萄一員，雖然久唔久都會被人誤會佢係AV女優，不過阿妹冇介意，因為加入組合後佢嘅曝光率急增，更因此有機會推出屬於自己嘅單曲《搖擺舞……Purukawa》。此外，阿妹仲得到好多成員嘅關愛，因為佢成日都表現到成個傻大姐咁，喺組合當中更加有「第一笨蛋」嘅稱號。事緣某日大家出席綜藝節目，阿妹被主持人問到有關日本諺語「在石之上有甚麼？」阿妹居然答：「在石之上有石頭」。其實呢句諺語係「在石之上有三年」，意思即係只要有恒心，坐喺大石上三年始終可以令石頭變暖咁解，連日本小學生都識啦！
年齡：21歲
身高：5呎5吋
三圍：34F-22.5-35
篠原冴美一得閒就會將自拍照放上博客，晒美貌又晒身材，大家想欣賞篠原冴美嘅青春魅力，不妨Click上去睇睇。
網址：http://ameblo.jp/dreamgrant/
撰文：賢