澳吧吧：選擇多多啱心水

有前輩話想知一個人嘅性格，可以從佢所揀嘅酒睇到，更可以睇得出呢個人嘅品味，只係家陣嘅酒吧所提供嘅選擇唔算多。不過如果去到呢間Theme Club Karaoke & Lounge嘅話，唔單止可以從酒睇人，亦可以輕鬆地搵到一種適合自己又啱心水嘅美酒。咪睇呢間酒吧嘅規模唔算大，佢所藏有嘅酒類卻相當豐富，從啤酒、威士忌、紅酒等，每種都起碼有成十多種選擇，不論男女都輕易搵到心頭好。此外，酒吧嘅環境企理，配合埋現場播放嘅音樂，絕對係把酒言歡嘅好去處！