最近天口好熱，喺條街曬得一陣就已經周身唔舒服，於是就上咗大富豪桑拿，一於沖個靚涼兼焗一焗佢，焗完一身汗之後，真係全身爽晒，但仍然冇乜胃口，老總知道就推介咗一味「川式菠蘿炒豬頸肉」，佢話味道酸甜香辣，保證刺激到我嘅食欲，於是就照佢意思叫咗一份。當侍應送上食品時一揭蓋，香氣撲鼻，最先聞到辣椒嘅辛辣味，之後就有陣陣菠蘿嘅清香，至於醋味反而不太濃，於是即刻整件豬頸肉嚟試吓，一咬落口豬肉嘅油香喺口腔不斷發揮作用，隨即感受到有陣陣川椒嘅香味，但唔會太濃，因為師傅加入適量嘅糖醋，令沾滿醬汁嘅豬頸肉，甜酸辣三味渾然天成，好食到不得了，加上口感爽脆，食落令人難以忘懷！