1622年荷蘭派八百士兵進攻澳門，當時澳葡守軍只得百五人左右，本來係一場冇得打嘅戰爭，但荷蘭士兵揀咗澳門東面嘅劏狗環嚟登岸，由於傳說附近有好多劏狗場，士兵一登岸就被血淋淋嘅劏狗場嚇到三魂唔見咗七魄，之後出師不利，主帥受傷，最後更兵敗如山倒，死傷接近三百人。很多人都以為劏狗環，真係有好多劏狗場，但據歷史考證，劏狗環喺1869年才由澳葡政府正式命名，以前只係龍田村後嘅一個小海灣，居住嘅都係一些農民，所以冇乜嘢劏狗場存在，至於點解後嚟改咗叫劏狗環呢？官方冇任何解釋，但啲老街坊就知道箇中因由，因為葡兵喺度大發神威，以寡敵眾，將侵略者打敗，於是將殺敵視為劏狗，改為劏狗環，但有人話咁做亦有失泱泱大國嘅身份，於是就訛稱因此地有劏狗場而命名，至於真定假，澳門老街坊就最清楚！