雖然話窮風流，餓快活，但係風流快活都要有個譜，千祈唔好窮到連開房錢都冇，搞到要喺公眾地方就地解決咁有傷風化兼且教壞細路。吓？邊個咁大膽當眾開波咁離譜呀？早前，某一晚嘅深夜時分，西班牙一間銀行嘅櫃員機旁邊出現兩條肉蟲，呢對男女全身赤裸瞓喺地下搞嘢，完全旁若無人，任由衣物散落一地。最後，行經嘅途人見到如此戰況，於是報警將二人帶返警署調查。事後，有網友戲言，佢哋咁做好可能係因為到櫃員機提款，卻發現未出糧，故冇錢開房，一時慾火難耐之下，就即場解決喎！
撰文：賢