有人用「觀音頭掃把腳」嚟形容人上半身打扮光鮮，下半身則亂七八糟。其實，就算整體上整潔光鮮，都唔代表其人內裏都係咁，好似近期人氣爆燈嘅極品小美人佐野雛子，就被人發現內裏（口腔）極之污糟！
人生充滿機會，不過機會係咪屬於你就好難講，好似中六合彩頭獎，機會率大概係一千四百萬分之一，中二獎亦要二百三十幾萬分之一。機會好渺茫咩？但頭獎梗會有人中，大家千萬唔好灰心呀，就好似佐野雛子咁難得嘅絕色美人兒都能夠搵到出嚟，為大家獻上美色啦！今年19歲嘅雛子，上年正式出道拍水着寫真就被譽為新人王，全因呢位妹妹仔青春活潑，氣質俏麗又迷人，簡直靚女到嚇親人，故此被日本水着界稱佢為一百萬人當中得一個嘅靚女。雖然我覺得咁講係誇張咗少少，但係雛子的確有迷倒眾生之美，事關阿妹佢除咗有美貌，仲有一副極品好身材！雛子身高標準，胴體纖巧，條小蠻腰只得20吋，而上圍居然有34F！現役水着妹當中難以搵多個同佢匹敵。
雛子拍水着寫真之前，已經常喺雜誌曝光，成為業餘模特兒。當時阿妹紮住可愛孖辮仔，獲寫真雜誌《晴天以後的雙馬尾》邀請佢做封面女郎，亦成為網站「雙馬尾協會」其中一個常駐模特兒，最後被藝能事務所發掘成為水着女優，人氣正持續上升。雛子出道之後工作量相當多，成日都有份出席電視台綜藝節目，如《妄想之王子樣》以及《有吉反省團》做嘉賓。於節目當中，阿妹嘅驚人纖腰固然不時成為話題，被主持多番研究，而雛子本身口沒遮攔嘅性格同樣令人大受歡迎。不過，亦因咁多嘢講，就被人發現佢把口有問題。今年2月雛子上電視節目《跑出來博士！牙齒的三大糾紛徹底檢查SP》，主持人要求佢進行口腔檢查，發現佢棚牙幾隻臼齒都滿布牙石，又黃又污糟，認真嚇親人！雛子真係要快快趣趣去洗牙，以免日後影響其形象喇。
佐野雛子經常為時裝雜誌擔任模特兒，而佢演出嘅時候通常會自拍，然後將照片上載到博客，大家想知道阿妹最近又試過咩新衫，可以Click上去睇睇。
網址：http://ameblo.jp/sanohinako/
年齡：19歲
身高：5呎3吋
三圍：34F-20-35
撰文：賢