人在澳門，突然好想食牛肉，於是向市中心嘅西餐扒房進發，但去到門口一望，發現食個牛扒餐竟要二百幾蚊，即時興致驟失，心諗咁貴，不如去揼骨好過，於是就貢咗上大富豪桑拿，沖完涼之後行過休息室，突然聞到一陣牛肉嘅香味，仲配有濃烈嘅黑椒香氣，心諗唔通呢度有扒食，於是走去廚房問大廚今期又有乜嘢新菜式？
佢話最新推薦「黑椒蘑菇炒牛肉」，黑椒係原粒黑椒，需要時才即磨，所以香味持續長久，辣香味加倍，而牛肉就用順德嚟嘅小黃牛，切片後用秘方醃製廿四小時，所以牛肉落鑊快炒，仍十分嫩滑，口感一流，最正就係肉汁完全保留喺牛肉裏面，咬落去黑椒味道雖濃，但完全冇搶走到牛肉嘅鮮味，而蘑菇就正好吸收晒牛肉肉汁同黑椒嘅味道，食落別有一番風味，原本蘑菇身上帶有嘅草青味完全冇晒。最正係牛肉分量不少，食完飽晒兼渾身有勁呀！
食品提供：大富豪桑拿
價錢：桑拿客人HK$25
撰文：小德