愛情嚟到嘅時候，縱然平日幾咁理性嘅人，都會被衝昏頭腦，亦正係呢種瘋狂同不顧一切嘅愛，先至可以打造出浪漫無比嘅愛情故事，而呢個正正係《Suddenly You》嘅主題。
故事講述一位年近三十嘅女人氣作家Amanda Briars，雖然擁有超凡脫俗嘅外貌，但一直因未遇到理想嘅男士而過住單身生活。有次機緣巧合，遇上英俊、強壯兼係王族後裔嘅富豪Jack Devlin。縱然對方係個惡名超著嘅黑心富商，只係Amanda一心諗住嚟個一夜情，卻估唔到竟然情不自禁愛上對方。面對公眾嘅壓力，Amanda最後能唔能夠同對方喺埋一齊呢？
撰文：魂