早前美國發生一單新聞令人震驚又好笑，話說一個叫Jonah Falcon嘅43歲美國男子通過三藩市海關嘅時候被截停，有關人員指佢褲襠脹起，懷疑內藏有武器，後來經檢查後，發現所謂嘅武器原來係Falcon嘅巨鵰！此事傳到亞洲地區，Falcon被冠以巨鵰男嘅偉大封號，以讚頌佢胯下於正常狀態時長達9吋半，勃起時更達到13吋半嘅巨棒！喺美國，Falcon一樣知名度急升，更吸引唔少四仔片商搵佢拍AV，不過佢統統拒絕，然而有個衝住其巨棒而來嘅請求，佢卻欣然接受！呢個請求來自冰島知名嘅博物館The Icelandic Phallological Museum，呢間博物館專門展出各種動物嘅陽具，迄今已經收集咗超過300款來自93種不同動物嘅陽具，而博物館得悉Falcon嘅事件之後，就邀請佢死後捐出其偉大陽具，Falcon話好高興將來自己嘅陽具可以同北極熊以及鯨魚嘅陽具一齊展出！